Um útgáfuna túrí ehf

Kynntu þér óháða bókaútgáfu!

túrí ehf. var stofnuð árið 2003 og er staðsett í Þorlákshöfn.

Fyrsta bókin sem útgáfan gaf út var Islandkochbuch eftir Maike Hanneck árið 2004. Hún fjallar um íslenska matargerð og inniheldur uppskriftir á þýsku. Bókin var brautryðjandi á sínu sviði og seldist í þúsundum eintaka.

Hún kom síðar út á frönsku undir heitinu Cuisiner Islandais og er enn eina bókin á frönsku sem fjallar um íslenska matargerð.

Árið 2005 kom út Make your own history, föndurbók um íslenska torfbæinn. Hún er í A4-broti og inniheldur leiðbeiningar á fimm tungumálum.

Árið 2010 gaf túrí ehf.út fyrstu skáldsögu Jóhanns F. K. Arinbjarnarsonar, Skaðamaður. Síðan hafa komið út Leitin að engli dauðans árið 2016 og glæpasagan Ógnareðli árið 2022.

Í undirbúningi er hljóðbókarútgáfa af Ógnareðli, sem stefnt er að því að gefa út fyrir árslok 2026.

Auk bókaútgáfu hefur túrí ehf. gefið út póstkort með kúamyndum eftir bóndann og listamanninn Jón Eiríksson á Búrfelli í Húnaþingi vestra, auk nokkurra smárita.